Wednesday, February 25, 2015

MAAJABU: MWALIMU WA SEKONDARI ALUNDIKA VINYESI CHUMBANI KWAKE KWA MIAKA 2



UPDATE:
 LUNDO LA VINYESI VYA MWALIMU WA SEKONDARI YA KIBASILA VYATEKETEZWA

PICHA NA HABARI KUTOKA KWA KAKA GANO WA UMOJA VILLAGE 

Kunradhi kwa picha za kuchefua







Manispaa ya Temeke leo imeteketeza kinyesi kilichokutwa katika chumba cha mwalimu wa Shule ya Sekondari ya Kibasila Gaudensia Albert baada ya maofisa wa afya wa manispaa hiyo kuchukua hatua hiyo ili kunusuru afya za wakazi wa eneo hilo.

Kazi hiyo ilifanyika majira ya saa tisa alasiri katika eneo la Yombo, Kisiwani Kata ya Sandari jijini Dar es chini ya uangalizi wa Jeshi la Polisi na wakishirikiana na Mwanyekiti wa Mtaa huo, Yahya Bwanga.

Akizungumza na wandishi wa habari jijini wakati wa zoezi hilo, Ofisa Afya wa Manispaa ya Temeke, Floyd Tembo alisema tukio hilo walilipata juzi juzi jioni, baada ya kulipata waliwatuma Watendaji wa Afya wa Kata hiyo wafanye utafiti wakujua tatizo hilo lilikuwa na ukubwa gani.

“Baada ya kufanya utafiti wao pia walimpata mhusika, ambapo tulischukua jukumu la kwenda kumhoji Mkuu wa washule hiyo ili kujua kama mwalimu Gaudensia alikuwa na akili timamu au la, hata hivyo, Mkuu wa shule atueleza kuwa alikuwa na akili timamu,”alisema Tembo.

Alisema pamoja na kuutekeza mlundikano huo wa kinyesi pamoja mikojo na matapishi bado wanaendelea na utaratibu wa kumfikisha mwalimu huyo kwenye vyombo vya sheria ili haki iweze kutendeka.

“Hili tukio halihusiani na ugonjwa wa akili inawezekana kuna tatizo lingine ingawa hatuwezi kuamini mambo ya ushirikina lakini haiwezekani mwalimu kama yule ajisaidie na kuhifadhi uchafu kama ule ndani,”alisema.

Aidha, alisema mwalimu huyo hakuweza kufika kwenye eneo la tukio hali iliyofanya mlango wa chumba chake uvunjwe chini ya uwaangalizi wa polisi.

Tembo, alisema mwalimu huyo alishindwa kutokea kwenye eneo la tukio kwa vile alipelekwa Hospitali ya Temeke kisha kuhamishiwa Haspitali ya Taifa muhimbili kwa ajili ya kupimwa afaya baada ya kupata mshituko ambao umesababishwa na taarifa hizo.

Afisa Afya wa Usafi wa Mazingira, Jumamne Muhogo, alisema uchafu walioubaini ulikuwa ni uchafu wa kinyesi, mikojo na matapishi inasemekana kuna kipindi alikuwa anatapika.

Pia alisema kipo kifungu cha sheria, walifika pale maofisa kutoka idara mbalimbali kupima uzito wa tukio, ambapo kama wangemkuta wangemkamata kwa hatua za kimfikisha mahakamani.

Mhogo, alisema hata kama alikuwa mtaalamu wa sayansi, alikuwa amehifadhi uchafu ule kwa ajili ya utafiti basi hayo yote angekwenda kuyaeleza mahakamani.

“Tukio hili kwa manispa ya Temeke ni la kwanza kutokea yani inaekekea huyu mtu hana akili ya kawaida kama angekuwa na akili za kawaida asingeweza kufanya na mna hii,”alisema.

Umati mkubwa wa wakazi wa eneo hilo walikusanyika kwa wingi tangu saa tatu asubuhi wakisubiri kazi hiyo hadi ilipofnyika saa tisa jioni na wataalamu wa manispaa hiyo.
Wataalamu hao walimwagia dawa uchafu huo kisha kuanza ubeba na kutumbukiza chooni kwa uangalifu mkubwa.

Walipomaliza walvisafisha vyombo hivyo kwa kutumia dawa ambazo zimeweza kusaidia kuondoa harufu mbaya iliyokuwa imezagaa hewani.

Awali, Sajenti wa Jeshi la Polisi Ramadhan Kagolo, alisema aliwajibika kusimamia kuvujnjwa kufuli la chumba hicho kwa vile kazi iliyokuwa ikifanyika ilikuwa ni kwa ajili ya kulinda afya ya jamii.


Tukio hilo ambalo limekuwa likifuatiliwa na majirani hususan jana wakati wa uteketezaji lilitokea Februari 22 mwaka huu.



Kunradhi: Picha inachefua



Sehemu ya kinyesi cha Mwl Gaudensia Missanga anayefundisha shule ya Sekondari Kibasila Manispaa ya Temeke


Katika hali isiyokuwa ya kawaida mwalimu Gaudensia Missanga mkazi wa Kisiwani kata ya Sandali wilayani Temeke  ambaye ni mwalimu wa shule ya sekondari Kibasila jijini Dar es Salaam, anadaiwa kuishi katika chumba ambacho amehifadhi kinyesi hali ambayo inatishia usalama wa afya yake kwa muda wa miaka  miwili.

  Baba mwenye nyumba  ndg. Reuben Shayo  ameeleza kilicho sababisha kubaini uchafu huo.

‘’Tuliona funza wakitoka chini ya mlango wake na harufu mbaya ikitoka na mwenzetu hatujawahi kumuona akioga wala akiingia chooni ndiyo tukabaini hali hii,’’

 Tangu kugundulika kwa kitendo hicho cha Mwalimu huyo kujisaidia na kuhifadhi kinyesi chumbani mwake, mwalimu huyo amejificha kukwepa aibu. Na amekuwa haonekani katika kituo chake cha kazi kwa mujibu wa Mwalimu Sanga ambaye ni mwalimu mkuu. Inadaiwa baada ya kitendo hicho waalimu wenzake waliitisha kikao cha dharura kumjadili na kwenda kujionea tukio hilo la aibu.

Simu ya kiganjani ya mwalimu huyo imezimwa. Hata hivyo wanafunzi wa  shule yake wamekuwa na hisia tofauti kuhusiana na tukio hilo. Wanafunzi wengi wamemwelezea mwalimu huyo wa baiolojia kama ni mtu mwenye hasira za haraka na mtu mwenye kupenda ucheshi na utani. 

Hili ni tukio la aina yake kutokea hususan kwa mwalimu anayewafundisha wanafunzi somo la baiolojia linalozingatia usafi na afya ya binadamu kuishi na kinyesi chumbani mwake. 


HABARI NA PICHA KWA HISANI YA MTANDAO WA CLOUDS FM

No comments: